Gaja kɩŋɔrɔ kabɔ ɩ kpa boŋo, ɖôo ma ashɩ !

Atǝbatʊrka, gaja kɩŋɔrɔ kabɔ ɩ ɖoo. Maa ʊwalʊ kasáà na abɔ ɩ ɖôo, na Jaama kaatǝna kaPoosu a tǝrǝtǝrǝ atɔɔ ɩ ace na Sautafrika kaatǝna nɩ. Galaŋ na abɔ ɖe k’ɩ kɔɔ pɩ Benɛɛ nɩ were naa gɩ ŋǝ ayala ʊwalʊ nɩ ashee bɛrɛ na.

Faawɩɩ banyɩʊ ba ɖa ka gaja kɩŋɔrɔ kagʊbɔ gʊɖe laŋ : “Ʊfaŋʊ kɩlomo” na “Bʊtucɔcɔka páá kʊshilé”. Gaja kaŋɔrɔ asǝbaka nɖe nɩ na Sautafrika kaPoosu a pɩ na ɩ Benɛɛ nɩ. Alaarba kʊshilé afɔnɔ ‘aŋɔrɔ asǝbaka nɖe nɩ ‘ʊshilé ʊkolontaja na ɩ kpa Bashɩɖɩ na gɩ sǝba na yala gʊyá nɩ kpaarɩ.

 Ʊrɔŋ ɖe na atabɔ ɖe ɩ kpa na gɩ tine na kiɖe.
Ʊrɔŋ ɖe na atabɔ ɖe ɩ kpa na gɩ tine na kiɖe.

Gɩ tɩ lǝ baa arɛ̀ apaŋa na a lêe koŋkaarɩ ashɩ gaja kɩŋɔrɔ kabɔ ɩfɔlɩ ɖe naa ɩ naa kaŋa n’atɩgɩkrǝ kaŋyɩɩ kʊceu. Ɩɖalɩshɩnyɩʊ na gɩ yala kʊ.

Aŋɔnka : BABA BƆƉƖ Rafɩyatu

Laisser un commentaire