Ncǝn atɩya, ɩ tɩɩ rǝ̂ŋǝ atǝgatǝna Benɛɛ kagʊlʊcamka kantulo acerecere anyɩŋgɩlopí. Gɩ kʊɖakʊɖa ntulo nɖe kabʊlei bʊ gboo.
Ntulo kʊlǝlǝmǝ
Ntulo nɖe kʊlǝlǝmǝ kʊkʊɖʊkʊɖʊ
Ntulo kʊlǝlǝmǝ :
Benɛɛ kǝbapi, tâ ma ayiɖe !
Ʊɖaʊ fɛɛ ʊ tɩ yɩɖa ʊjakashilè
kantulo kǝŋkǝŋkǝŋ,
Benɛɛ kǝbapi, tâ ma ayiɖe !
Ntulo kʊlǝlǝmǝ kʊceruceru
Ʊla ʊsǝbaka
Ntulo kʊla ʊsǝbaka kaalitomo gasǝbaka kʊkʊɖʊkʊɖʊ
Ʊla ʊsǝbaka :
Atǝbaya ba cee kʊn
ʊɖaʊ fɛɛ kʊyɩɖʊ
naa acǝ atara
ɩbʊmbɔnɔ n’ɩkashɩ
n’ʊcine na koŋkaarɩ
n’ʊciŋkǝrka halɩ babʊce.
Ntulo kʊla ʊsǝbaka kaalitomo gasǝbaka kʊceruceru
Ʊla ʊsǝbaka kaalitomo ganyɩʊtaja kʊkʊɖʊkʊɖʊ
Anyɩn mbaɖee ganɔ gaɖǝn nɩ
ɩ kaŋkǝr awu na cɩ ɩbobo
ashee ʊrɔŋ pɩ̂ ma gboo
atɩ na lee ntǝma nɖe baa njǝŋ.
Pɛ̂mpɛŋɛ ma ashee gacǝŋ kasaamanɩ !
Ɩ pàá kpâ anyɩn na !
Ntulo kʊla ʊsǝbaka kaalitomo ganyɩʊtaja kʊceruceru
Ʊla ʊnyɩʊtaja
Ʊla ʊnyɩʊtaja kaalitomo gasǝbaka kʊkʊɖʊkʊɖʊ
Ʊla ʊnyɩʊtaja :
Ʊnyana n’ʊŋou kasǝrǝ
ɩ ta naa wû baa ŋka na,
akɩ, Benɛɛ kʊpi,
lâa akʊʊlɔ, ɩ ɖâ akɩ fɛɛ.
Kîɖe akatuuta ashee ɩjà
aɖʊ gacǝŋ kabʊcǝma laŋ.
Ʊla ʊnyɩʊtaja kaalitomo gasǝbaka kʊceruceru
Ʊla ʊnyɩʊtaja kaalitomo ganyɩʊtaja kʊkʊɖʊkʊɖʊ
Bʊtutolo nɩ ʊ taa ŋǝ̂
ʊkantam ashee ʊfʊbʊŋǝrǝ,
Bʊrana bʊ tɩ lige akɩ
atǝbayà bɩcine.
Bʊkelencaŋato arisikiɩ
a wu ma, kaŋkʊlɩ.
Ʊla ʊnyɩʊtaja kaalitomo ganyɩʊtaja kʊceruceru
Ʊla ʊriutaja
Ʊla ʊriutaja kaalitomo gasǝbaka kʊkʊɖʊkʊɖʊ
Ʊla ʊriutaja :
Amasɔlɔka Benɛɛ baa ŋka
akabʊnʊ ɩ ɖa ʊshilèka ma,
akapà n’akaatǝna kanɖawa
ɩ na faŋa akǝbʊcǝma.
Akaatǝna ga tɩ shee baa aŋa
awaryɔkɔ kamaana.
Ʊla ʊriutaja kaalitomo gasǝbaka kʊceruceru
Ʊla ʊriutaja kaalitomo ganyɩʊtaja kʊkʊɖʊkʊɖʊ
Benɛɛ, gɩ tɩ nyiŋǝ wàà,
atɔɔ n’ʊrɔŋ akǝbapi ba mân na ce ŋyɩɩ,
ʊpaɖʊ̀pàɖʊ̀ ʊ pàá ɖâ ncǝn na,
ba wʊ̂ɖa tamaa na ŋǝ akɩ
ganyana nɩ,
na ce na ce.
Ʊla ʊriutaja kaalitomo ganyɩʊtaja kʊceruceru