Atayà ba na yɩɖa wàà, UMOORU Seiɖu ma, a lee Asǝɖa na, naa aɖa Bashɩɖɩ atɩya ŋkǝlǝ̀ Ajegulɛ. A lee arɛ̀ɩ a sɔlɔ agɩkrǝ anii, naa ayɔ jɩ kʊŋɔn na kʊtʊr, na faŋa agɩkrǝ kabʊcǝma laŋ ma na.
Gʊyà ɖe a ŋɔn mbʊpá nɖǝn ashee gʊkamakama, kaŋyɩɖa njɩ gǝŋ « UMOORU Seiɖu ‘ʊligu n’ɩfaawɩɩ bafɔlɩ ». Mbʊpá nɖe nɩ, atayà ɖe a lige ɩfaawɩɩ ɖǝn atam ashee atʊ, naa acǝ mpǝrǝ nɖǝn gboo ʊboŋu nɩ.
Ɩ lee ʊciŋkǝrka ashee atǝganɔ ɖaa atayà ɖe a lee koŋkaarɩ aŋɔn ɩfaawɩɩ ɖe naa ɩ tɩ́ pra mbʊpá ma.
Mbʊpá nɖe n ɖa ashee ʊyalʊ́, kagʊyá kʊ gǝŋ ɩɖala ɩsɔɔkulumi-na-tǝb (750 F). Arɛ̀ɩ a sɔlɔ na yɛɛ njɩ a shɩ̂ ma, a taa sǝ̂ra akim asǝla n’anii kaafala gabʊmbɔnɔ koo gʊna BABABƆƉƖ Saliimatu sul Bashɩɖɩ kagʊyá kʊshilé.
N’ʊtʊr ma, na gʊkamakama ma !
Aŋɔnka :
UMOORU Alijannatu