Bʊlinyaʊka na kɩmaana anii na gɩfɔnɔ kambʊpá ŋŋono

Gɩ lee koŋkaarɩ na pɛmpɛŋɛ bʊlinyaʊka na kɩmaana anii na gɩfɔnɔ kambʊpá ŋŋono nɖee baŋono (afaŋaka Jɔrj ƐLWƐT, Mahamaɖu Inuusa Latifu na GƆMƆ Yaakubu Sarabaa) ba cee lee ɖoo gaja kotoku-ɖǝn-n’awanan-n’ɩsɔɔcɩɩnɩ-na-tǝb-n’ɩnan (1994) nɩ aɖʊ ma.
Gajaamatǝna kampá mbʊmbɔnɔ nɖee ba na yɩɖa wàà Bɛrlɛŋ ma, ʊyɔʊ kasukuru abʊmbɔnɔ nɩ na ba lee mbʊpá nɖe.

Bɛrɛ ba kʊma páá, ntǝma nɖee ba lee naa asǝra alaa bʊlinyaʊka na kɩmaana anii na gɩfɔnɔ kambʊpá nɖe ma.

Ʊrɔŋ, atʊ GʊGʊ kaŋkulo, gɩ ɖa bʊlinyaʊka na kɩmaana anii na gɩfɔnɔ kambʊpá nfɔlɩ kʊleu nɩ.

Nuhum na Mumuni ba ɖa bʊlinyaʊka na kɩmaana anii na gɩfɔnɔ kambʊpá kakoŋkaarɩ nɩ
Nuhum na Mumuni ba ɖa bʊlinyaʊka na kɩmaana anii na gɩfɔnɔ kambʊpá kakoŋkaarɩ nɩ

Gɩ tɔɔ bʊkɔ́ɩ baŋono ba cee lee aɖʊ mbʊpá ŋŋono nɩ ma, kayɔkɔ ɩŋunii na ɖʊ atɩŋja nɩ, naa kabʊɖǝn bʊ pàá tɩ li na.
Amʊsoro Nuhum n’ amʊ gɩ ɖa ka na lee ntǝma nɖe.

Mumuni FAFANA

Laisser un commentaire