Yofo ‘aŋɔrɔ tǝb n’ɩnyɩʊ kaja ‘ɩshile cɩɩnɩ gaja 2012 na GʊGʊ kaŋkulo n ce bayarɩ bʊwalʊ Boɖi kampá nɩ. Kʊshilé ɖe, gɩ faŋa bɛrɛ baŋunii ataGʊGʊ kabɔ nɖee gɩ lee ma. Ɩ san na bayarɩ asan na bɛrɛ baŋunii ɖaa GʊGʊ kaŋkulo n na lee koŋkaarɩ ashee gɩkrǝ anii kaŋyɩɩ kʊceu ma. Ŋkǝŋ na gʊyà Aciibaa a tɔɔ niya waa, a taa naa kâŋa na GʊGʊ kaŋkulo ashee bʊkɔɩ n na lee na shee gɩkrǝ anii ma. Ʊshilé ɖe, ba cam atʊ gɩsaná gɩshɛbʊ, ashee atʊ ɩjɩʊ n’akana ɩsanka. Gɩ boŋo ma, na gɩ rɩ acǝma.
