Atablɔg a ɖa gbagbaraa

 Ʊrɔŋ afɔnɔ ‘aŋɔrɔ 11 kaja ‘ʊshilé 25 kʊja na gɩ ɖʊ atablɔg gbagbaraa ɛntɛrnɛt laŋ. Bɛrɛ̀ɩ ba pɩ atǝgatǝnleeɖu naa gɩ man aɖʊ atablɔg gbagbaraa ma na gǝŋ ʊŋono Abubakarɩ GOMINA atɩgɩkrǝ anii kamboi kʊŋono, ʊŋono GƆMƆ Yaakubu Sarabaa atakɔmin kɩkrǝ kʊŋono apala, ʊŋono ALƐ KƱMAƖ Abaanɩ na SULE BƱKAARƖ Mutawakiilu alǝlǝja Ɛfɛm Kufɛ (FM Kouffè) apele na GʊGʊ kaŋkulo.

 

Ʊŋono Abubakarɩ GOMINA a pǝkɩl ka gɩkɔɩ ɛntɛrnɛt laŋ aɖʊ atablɔg gbagbaraa. Aɖe n’ʊŋono Sarabaa ba cam ka ʊwǝlǝ asala GʊGʊ kaŋkulo. Ʊŋono Abubakarɩ GOMINA afaawɩɩ na gǝŋ waa, aɖe tɩ sala GʊGʊ kǝbatǝnleeja apele na baŋono mbaɖee ba na lee na GʊGʊ kaŋkulo ntǝma ma. Aɖe tɩ kʊma Martɛɛŋ n’akar Stɛfani aɖʊ ɖaa ba kaŋa n’atʊ na lee koŋkaarɩ naa atɩgɩkrǝ anii gɩ na ce ŋyɩɩ ma. Gaja ga lâma ataŋuro naa ba kâŋa n’atʊ awu ɖaa waa ma.

GOMINA Abubakarɩ a pǝkɩl gɩkɔɩ na ɖʊ blɔg gbagbaraa
GOMINA Abubakarɩ a pǝkɩl gɩkɔɩ na ɖʊ blɔg gbagbaraa

Laisser un commentaire