Ŋkɔnta nleeka kʊyɛʊ na kʊyɔʊ

Ŋkɔnta kaŋkulo
Ŋkɔnta kaŋkulo

Aɖɩtɛnɛɛ afɔnɔ ‘aŋɔrɔ anyɩʊtaja gaja kotoku-banyɩʊ-na-tǝb-n’ɩkolom, n’ʊŋono HƐS Robɛɛr [Heß Robert] Jaama kaja a tɩ ŋkulo njala nɖǝn. A lee afaŋaka nɖee akaŋkǝr ŋkɔnta nleeka ma na.
Aniya na gǝŋ wàà, aɖe a kâŋa n’anii kagɩkrǝ gɩ yɛ̂ɛ ayɩɖa ashee ɩnɔmba balamaka. Ɩnɔmba baɖe ba tǝ ba kâŋa n’atʊ gɩ sǝ̂ra na lee ŋkɔnta fɛɛ, k’ɩ lee na nawɩya na.

Ŋkulo nɖe nɩ, gɩ ɖoo bɛrɛ bakolom gɩ ɖa ncǝn na lee ntǝma nɖe ma. Gɩ lee ntǝma nɖe na ce ɩbɔkɔɩ banyɩʊ. Gɩ ta lêe njɩ na ce, atʊ gɩ wâla GʊGʊ kaŋkulo ŋŋunii atʊr bʊkɔ́ɩ gɩ lee ma, ashee pɩ. Atʊ gɩ tɩ tǝŋǝtǝŋǝ atǝbawor na saa na ŋkulo mbʊmbɔnɔ nɖee n ɖa ashee gɩkrǝ anii kʊtǝŋutǝŋu ma.

Ntǝma nɖe gɩ lee njɩ na, na yɛɛ na gʊfaŋa. K’ɩɩ kana ri kʊŋɔn kaɖeiɖei na.

Ʊkɛɛshɩɩ nɩ, gɩ yɛɛ ɩnɔmba ɖaa :

1 un gɩpi

10 dix ganɔɩ

100 cent ʊfǝlǝ

1.000 mille kotoku

1.000.000 million gakuli

1.000.000.000 milliard gakuli-kotoku ŋkulo

1.000.000.000.000 billion bʊnyɩʊkuli ŋkulo-kotoku

1.000.000.000.000.000 billiard bʊnyɩʊkuli-kotoku

1.000.000.000.000.000.000 trillion bʊriukuli

1.000.000.000.000.000.000.000 trilliard bʊriukuli-kotoku

1.000.000.000.000.000.000.000.000 quatrillion bʊnankuli

Nuhum BABA BƆƉƖ SAALIFU

Laisser un commentaire