Atʊsoro ISIFU SƱMAANƱ Iɖris n’akar Nuuratu ba kʊr shiiye

Gacalaɩ arɩsǝma n’asiibi yofo ‘aŋɔrɔ anʊntaja ‘ɩshilé akoo-n’ɩnyɩʊ n’akoo-n’ɩriu, gaja kotoku-banyɩʊ-na-tǝb-n’ɩnʊn na Iɖris n’akar Nuuratu ba kʊr bawor shiiye

Arɩsǝma kʊshilé gajaka, basǝmprǝ ba ɖoo alee atǝma ɖaa ɩ sim ma. Gɩteŋshile bʊkɔŋkɔŋɔ̀ bʊnan kaŋkǝm na ba wala ace atɩ cǝʊ Nuuratu agaɖu afal.Gajɩkʊɖaka asiibi gajaka, na Nuuratu agaɖu kasamaa na Iɖris agaɖu kasamaa ba wa jiŋgiri nɩ na balfaja, asǝ akʊr shiiye ɖe. Na ce ɖaa bʊkɔŋkɔŋɔ̀ bʊnan gɩteŋshile ma, na ba lee bʊci. Bʊci bʊ bon ma, na ba ye ce na weetaʊ Nuuratu agakulfala nɩ.

Bashiiye a cǝm naa aɖʊr páá, aɖʊwaa Gaja ga cam balfaja bʊnyiŋu. Bɛrɛ ba yɔgɔ ba pɩ ma, ʊto a ta nyɩ kʊshilé. Ɩ san na baa aŋa. Gaja ga ɖʊ̂ shiiye ɖe albarka, naa apele Iɖris n’akar arisiki, ba sǝ̂ra na rǝŋǝ na bawor ɖaa ɩ sim ma, naa alama baŋŋuro, aɖʊ bʊŋʊma bʊsoŋsono ashee pɩ.

 Iɖris n'akar Nuuratu
Iɖris n’akar Nuuratu
Nuhum BABA BƆƉƖ SAALIFU

Laisser un commentaire