Kolomi kʊwalʊ kafaawɩɩ

Asiibi yofo ‘aŋɔrɔ ‘ʊshilé akoo kʊja kaajaka na gɩ ce Kolomi na GʊGʊ kaŋkulo.

Gɩ kpa Kolomi ma, na gɩ ce gaɖuu ba na wala ma, atɩ ŋǝ ʊwalʊ kaɖi baja naa asala pɩ. Ba ta cam atʊ gɩshɛbʊ ashee atʊ gaɖu gɩ sǝ, na GʊGʊ kaŋkulo kaɖi baja ba ye kpa awʊɖa atʊ. Na gɩ kʊn atǝbawor ace lɔɔrɩ kaŋkǝm atɩ laa abɔ ɩyalaka ayʊga atǝbawor ɩfǝlǝ n’abɔ na gɩ tɔɔ na faŋa bɛrɛ naa naa yala na ma.

Na ba ye tɩ́ shee atʊga Martɛɛŋ ʊwǝlǝ n’a sala gʊyà asala basana ba ɖoo n’apá apɩ ma, n’a lǝ ɩbobo nɖee gɩ ɖa Bashɩɖɩ na lee anii kanɖi laŋ ma, na gɩ paŋkǝl na faŋa n’abɔ, bashɩka ba shɩ.

Ŋkulo n yala abɔ Kolomi kʊwalʊ nɩ

Ʊshilè ʊ kaŋkǝr ma, na gɩ kɔɔ sǝ atǝn na kiɖe acǝrá. Bʊkɔŋkɔŋɔ̀ bʊnyɩʊ na gɩ shɛʊ Bashɩɖɩ.

Aŋɔnka : BABA BƆƉƖ Rafɩyatu

Laisser un commentaire