Pɔmpɩsasaka kʊcǝʊ

Alaarba afɔnɔ ‘aŋɔrɔ ariutaja ‘ʊshilé akoo-n’ɩnan kʊja, gaja kotoku-banyɩʊ-na-tǝb-n’ɩkolom na ʊɖaʊ fɛɛ kanɖiyar Bashɩɖɩ n’abasoro, Boɖi kaja na Akpasa ariutaja kaja ba jeɖe atʊ ŋkpala nnyɩʊtaja SIL kaatǝnleeɖu Bashɩɖɩ ŋkǝlǝ̀ Ajegulɛ. Bʊjeɖu ʊsǝbaka nɩ na ba cee tɔɔ niya wàà, baɖe ba tǝ ba tɩ́ pɩ̂ atɩ faŋa atʊ ɖaa ba na yiu pɔmpɩsasaka ma. Pɔmpɩ ɖe, a ɖa ɖa ashee anyɛshireka.

Ŋkulo
Ŋkulo

Kayɔkɔ k’ɩ sɔm ʊyɛʊ na, kʊyiu k’ʊ sɔm na, gǝŋci kʊlou k’ʊ na pɛɛpɛɛ bʊto na. Ɩ wʊɖa aŋfaanɩ tuutuuma ashee arɛ̀ ‘alaafɩya. GʊGʊ afɔlɩ nɔmba cɩɩnɩ kaja nɩ, gɩ tɩɩ lêe kafaawɩɩ awu ɖaa wáá ma, ashee anyɩn.
N’ʊtʊr ʊsoŋsono ma.

Nuhum BABA BƆƉƖ SAALIFU

Laisser un commentaire