Nshem kafaawɩɩ

Gɩ tɩ lee koŋkaarɩ na jeɖe anii kapá ɩŋunii nɖee ɩ na lee ʊwalʊ ma, na faŋa koŋkaarɩ nɖee gɩ na lee na shee atɩgɩkrǝ kaŋyɩɩ kʊceu ma. Naa naa yala abɔ nɖee gɩ na lee na shee ʊtʊr ma. Gacalaɩ aŋɔrɔ ariutaja ‘ʊshilé ʊnʊntaja gaja kotoku-banyɩʊ-na-tǝb-n’ɩkolom na GʊGʊ kaŋkulo n ce ʊwalʊ Nshem kampá nɩ.

Ŋkulo nɖǝn kʊsǝu, ʊwalʊ ɖe nɩ

Ʊwalʊ ɖe ʊ lee mpá kaŋyɩɩ kʊceu kaalei jɩ. Basheme mbaɖee ba ɖa bɛrɛ bapá ma, ba pɩ. Gana kǝbaja, Lʊmɛ kǝbaja, Nanjiiriya kǝbaja, Benɛɛ kǝbaja, Bacamaja ba wala ka asǝ na yɛɛ Nshem kaŋyɩɩ kʊceu. Ʊwalʊ ɖe nɩ, ba lee ɩfaawɩɩ tuutuuma : anapi n’ayapi kɩfaawɩɩ, sukuru n’atǝma tuutuuma kabʊlei. Ba kʊɖa bayarɩ bʊwalʊ ba na yɩɖa wàà, ARAKAA ma kabʊlei.

Ʊwalʊ ɖe kʊboŋu nɩ, ba lee bawor ajɔɔ akulo nɩ. Ba boŋo ma, na ba man ace atɩ sǝ ajɩ ʊjɩʊ gaɖu gaɖɔŋkɔnɔ. Ɩ lee ʊciŋkǝrka páá ashee bɛrɛ baŋunii.

Aŋɔnka : BABA BƆƉƖ Saliimatu

Laisser un commentaire