Yofo ‘aŋɔrɔ asǝbaka ‘ʊshilé tǝb-n’ɩnyɩʊ kʊja na batǝnleeja na gʊnyɛ banɖiyar a jeɖe atǝgatǝnleeɖu. Ʊŋono ba na yɩɖa wàà, Aji Bɛllamii ma, a lee ka batǝnleeja na gʊnyɛ banɖiyar.
A kpa, gɩ cam nɩ gɩsaná gɩshɛbʊ. Ɖaa arɛ̀ baa apaŋa na a ta pɩ̂ gɩ shɩ na faŋa nɩ bʊtǝnleeɖu ma, gɩ toŋo nɩ afaŋa atatǝma kabʊɖuleeka. Afaŋa nɩ atabʊpá asʊ̀rá asʊ̀rá gɩ wʊɖa ma. Ɩ ta san na nɩ ɖaa anii kagɩkrǝ gɩ na ce ŋyɩɩ ma. Ayɔkɔ tuutuuma a ŋǝ ma, ɩ ta kpa nɩ biti, k’a cee yɔ wàà, Bashɩɖɩ atɩya na gɩ na laa atabʊpá na ma laŋ.
Gɩ tɩ lige anyɩn wàà, ʊŋono ɖe ‘ʊjeɖu k’ʊ lee n’anɖi jɩ a pɩ na. Ama, na batǝnleeja na gʊnyɛ baganɔ jɩ a pɩ.
[avatar user= »rahaman » size= »original » align= »left » /]