Atɩgɩkrǝ kʊyɛʊ kaŋkulo kʊwalʊ 17ja

Atɩgɩkrǝ anii kaŋyɩɩ kʊceu kʊyɛʊ kaŋkulo n lee ʊwalʊ 17ja, asiibi kʊshilé anɔɔbʊnka kaŋɔrɔ ‘ʊshilé 17ja gaja 2016. Ʊwalʊ 17ja ɖe nɩ, gɩ yɛɛ bʊlei tuutuuma.

Mbʊɖee gɩ sǝba na ma ma na gǝŋ ayɩɖa baŋono ba bʊŋa na ɖʊ bapi ma, bʊkɔ́ɩ baa aŋa a yɛɛ atoŋo apɩ ma. Gani kaŋkǝm na gɩ lee ɩtanɩ kafaawɩɩ alige lige ɩtanɩ nɖee baŋono ba jɩ halɩ atɩ cim n’ʊrɔŋ ma. Gɩ ceu ɩshɛɖʊ kayɩɖa, bʊkɔ́ɩ ba na lo na bʊkɔ́ɩ ba na lee alaafɩya kʊla laŋ ma.

Ʊyɛʊ kaŋkulo n ɖa ntǝma nɩ

Akɔ́lɩ gɩ na lee koŋkaarɩ ɩ na ɖoo ɩnyipi nɩ ma, kaafala [site web] ga ɖa ɛntɛrnɛɛtɩ laŋ ʊrɔŋ ma, gɩ ceu jɩ apɛmpɛŋɛ kabʊlei bʊɖǝn na baŋono. Bʊlei bʊfɔlɩ bʊɖǝn gboo bʊ wʊɖa ɩnawɩya ashee atʊ ma, bʊ pele ʊnyaʊ nɩ, na gɩ ceu bʊ.

Hakiimu ATI KALAM

Laisser un commentaire