Apǝrǝ kacaacaa

Yofo ‘aŋɔrɔ tǝb-n’ʊɖǝn na tǝb-n’ɩnyɩʊ kǝbaja, gaja kotoku banyɩʊ-na-tǝb-n’ɩkolom na SIL kaŋkulo n tɩ caacaa ashee anii kasamaa aŋunii Togoo na Benɛɛ. Caacaa ɖe, bɛrɛ ba lee nɩ gɩshɛbʊ. Ʊwalʊwalʊ nɩ, bɛrɛ ba ɖoo akoo-na-tǝb-n’ɩnʊn. Yofo ‘aŋɔrɔ tǝb-n’ɩnyɩʊ kaja, gaja kotoku-banyɩʊ-na-tǝb-n’ɩkolom ‘ʊshilé akoo-n’ɩnan na ba laa bajɩka bɛrɛ beriu afaŋa gbagbaraa anii kǝbayarɩ bʊwalʊ Penesul kampá nɩ.

Apǝrǝ kacaacaa
Apǝrǝ kacaacaa

Caacaa ɖe a ɖa ɖa ba naa lêe nɩ na fʊba fʊba baa gaja gapaŋa jɩ naa gɩ naa lîge n’ataya Yaakubu Sarabaa laŋ. Aɖʊ koŋkaarɩ nɖee a lee aɖʊ atǝn ashee anii kagɩkrǝ ma laŋ. Gaja ga lêe nɩ gaafara. Gaja ga pâla amʊ, akɩ, atǝbaŋunii anii kǝbapi gɩ sǝ̂ra atǝwǝ Sarabaa antǝma a lee aɖʊ atǝn ma. N’ʊtʊr ʊsoŋsono ma.

Nuhum BABA BƆƉƖ SAALIFU

Laisser un commentaire