Gʊtakǝwalaŋ na Kampiyonee kabʊmaŋkǝli bʊcǝka

Afɔnɔ ‘aŋɔrɔ akolontaja ‘ʊshilé tǝb-n’ɩriu kʊja gaja kotoku-banyɩʊ-na-tǝb-na-kulumi, na GʊGʊ kaɖi baja ba shee ganɔ wàà, ba cǝ̂ bʊmaŋkǝli Bashɩɖɩ : Gʊtakǝwalaŋ na Kampiyonee. Bʊɖu bʊɖe ba yɛɛ bʊ na, alǝ afana na baŋono akǝlǝ̀ ɖe nɩ. Bʊmaŋkǝli bʊɖe bʊ ɖa ɖa ashee anii kɩlaabaarʊ kabɔ kʊparʊ.

Jaama kasukuru ɖǝn kǝbapi ba ɖʊ ka ɩtanɩ akaŋa n’akǝlǝ̀ ɖe. Gɩ tɩ shee bapi baɖe nsala páá.

Ɩlaabaarʊ kabɔ ɖe nɩ, gɩ tɩ lee ɩfaawɩɩ ɖaa : Ʊrɩyɔʊ, ɩbɔrɩyɔka, bapi bagʊcǝrá, spɔɔr, atɩgɩkrǝ kafaawɩɩ, alaa politiiki kɩfaawɩɩ apala.

Gɩ lêe ma koŋkaarɩ ashee atɩgɩkrǝ kaŋyɩɩ kʊceu. N’ʊtʊr ʊsoŋsono ma.

Gʊtakǝwalaŋ kaamaŋkǝli
Nuhum BABA BƆƉƖ SAALIFU

Laisser un commentaire