Ɖaa gɩ lee naa asǝba ʊtʊr gʊyá nɩ ashee bɛrɛ gʊyá kʊshilé ma :
Atana nɖee a lee ʊŋono aɖa ŋyɩɩ ashee atʊ ntǝma nɩ ma, a pɩ ka na gʊfaŋa gʊɖe ashee atʊ. Ʊshilé ɖǝn gɩ ɖa ntǝma nɩ ma, na wàà : « Gɩ tɩɩ sǝ̂ra na ɖoo alaarba baa apaŋa gʊyá nɩ na tʊr atabʊpá ɩjala na shee bɛrɛ aa ? » Na gɩ tǝlǝ n’ʊciŋkǝrka wàà : « Ɩɩŋ, gɩ tɩɩ sǝ̂ra. »
Gaɖuɩ gɩ tɔɔ niya ashee gʊyá kʊshilé kʊɖuú ma na gǝŋ. Gɩ na ɖoo gboo ma, gɩ ŋǝ wàà, ɩ lee ʊciŋkǝrka ʊbʊmbɔnɔ ashee atʊ GʊGʊ kaŋkulo na anii kǝbaja baŋunii mpá nɩ gboo. Gaja ga pêle atʊ ʊyɔʊ naa ashee atʊ sáà gɩ bôŋo ace n’atɩgɩkrǝ ŋyɩɩ.
[avatar user= »rahinatou » size= »original » align= »left » /]