Ʊyɛʊ kaŋkulo katǝma ʊwalʊ akoo-n’ʊɖǝn kʊja nɩ

Asiibi afɔnɔ ‘aŋɔrɔ cɩɩnɩ kaja ‘ʊshilé cɩɩnɩ kʊja gaja kotoku-banyɩʊ-na-tǝb-na-kulumi na anii kʊyɛʊ kaŋkulo n wa alee ntǝma. Ʊshilé ɖe atǝma tuutuuma laŋ na ŋkulo n lee ntǝma.

Ŋkulo n yɛɛ ayɔkɔ ɩɖǝn kʊyɩɖʊ ɖeiɖei n’anii kagɩkrǝ. Ayɔkɔ ɖe katuutuuma ɩ lee ayɔkɔ nɖee gɩ tɔɔ kayɩɖa n’ɩkrǝ ɩfɔlɩ ɩɖǝn ɖaa gɛɛshɩ, gɩfaraŋshɩkrǝ na haʊsa ma na.

Ʊkɛɛshɩɩ
afele : rivière en crue
alarɩ : nouvelle mariée, nouvel marié
gɩlarɩ : lune de miel
kalasǝm : pétrole

Ʊyɛʊ kaŋkulo ʊwalʊ nɩ

Bʊkɔ́ɩ bʊ kɔɔ lee kpatakɩɩ ma na, alaafɩya kʊnyɩŋca laŋ kantǝma. Ama, ma lîge anyɩn wàà, ntǝma nɖe ŋkulo n cee lee njɩ ɩwalʊ ɖaa ɩnyɩʊ nɩ ma. Yofo ‘aŋɔrɔ cɩɩnɩ kaja ‘ʊshilé cɩɩnɩ kʊja ɖe na ŋkulo n boŋo ntǝma nɖe alee.

Ʊkɛɛshɩɩ
gʊshilè gʊkaŋkra : hépatite
gʊcɩrɩmaŋga : grippe aviaire
gʊmaŋga : épidémie
aŋoli : vers intestinal

Ɩ ta jɩ̂ wàà, alaafɩya kʊnyɩŋca laŋ kantǝma n tɔɔ tam, ɩ ɖoo na ʊla ɖe kantǝma kʊsɔm sul na. Aɖʊwaa, naa gɩ sǝ̂ra alee ntǝma nɖe, shee arɛ̀ nɖee a wʊɖa kʊyɔʊ ma, a ɖâ naɩ. Gɩ ta ɖôo ŋkǝŋ, ŋkulo n kɔɔ yɛɛ ayɩɖa ɩɖǝn.

Ʊkɛɛshɩɩ
gʊrɩsʊra : faune
ŋyipikǝlǝkǝlǝ : ogre

Rahaman ƖSA ASIS

Laisser un commentaire