ACA Mʊntaari a jeɖe atʊ ma

Atalaata afɔnɔ ‘aŋɔrɔ tǝb-n’ʊɖǝn kaja ‘ʊshilé akoo-n’ʊɖǝn kʊja na ayifala ACA Mʊntaari a pɩ atɩ jeɖe atʊ atǝgatǝnleeɖu. Ayifala ɖe a lee Akolonja na, naa naa lǝ gɩkrǝ anii Carashɩ karaaɖiyoo nɩ.

ACA Mʊntaari GʊGʊ agatǝnleeɖu Bashɩɖɩ

A kpa ma, gɩ toŋo nɩ akpa na bʊɖuɩ gɩ shɩ na lee atatǝma ma, afaŋa nɩ atǝma nɖee gɩ na lee ma. Ɩ lee ʊciŋkǝrka ashee nɩ, aɖʊwaa ansǝbaka njɩ gǝŋ a na pɩ atǝgatǝnleeɖu ma. Atʊ gboo ɩ san n’atʊ ɖaa a cɔɔ pɩ atɩ jeɖe atʊ ma.

A na shɛʊ ma, na gɩ shee nɩ anii kapǝrǝ a cê atɩ na ɖʊ na shee anii kǝbapi baŋunii ba naa rǝŋǝ.

Rahaman ƖSA ASIS

Laisser un commentaire