Ba shee atʊ ɩko GʊGʊ kabɔ kʊparʊ nɩ

Penesul kakoloji kasukuru kǝbapi ba tɩ tʊr GʊGʊ kabɔ nɖee gɩ sǝba apara ŋkǝŋ ma
Penesul kakoloji kasukuru kǝbapi ba tɩ tʊr GʊGʊ kabɔ nɖee gɩ sǝba apara ŋkǝŋ ma

 

Gaja kotoku-banyɩʊ-na-tǝb-n’ɩnyɩʊ nɩ ba shee atʊ ganɔ (atʊ GʊGʊ kaŋkulo) waa, gɩ naa para GʊGʊ kabɔ koloji mana nɩ Bashɩɖɩ kapá nɖee ɩ na lǝ anii ma nɩ. Ɩkoloji baɖe ba noo : Bashɩɖɩ kakoloji asǝbaka n’anyɩʊtaja, Penesul kakoloji, Bashɩɖɩ kakoloji ɖǝn k’a lee gominantɩ aja na, ba na yɩɖa waa [CPJN] ma, Naagayili kakoloji, Boɖi kakoloji na Bashɩɖɩ kakoloji ɖǝn ba na yɩɖa : Asalam ma. Ama Asalam kaakukonu GʊGʊ kaamaŋkǝli ga yiɖe ma, laŋ na gɩ na para. Togoo nɩ gboo ba shee atʊ ganɔ gɩ tɩ para Ʊlampǝl kɩkoloji banyɩʊ nɩ na Kolomi kakoloji nɩ. Gɩ tɩ yɛɛ ʊnyɩŋca gɩ naa para Nshem kakoloji nɩ gboo.

Rahaman ƖSA ASIS

Laisser un commentaire