Bʊlicamka aɖʊ raaɖiyoo O-Ɛr-Te-Bee [ORTB] nɩ

Bɛrɛɩ ba lee atɩgɩkrǝ kafaawɩɩ ashee raaɖiyoo [ORTB] ma, bafoto
Bɛrɛɩ ba lee atɩgɩkrǝ kafaawɩɩ ashee raaɖiyoo [ORTB] ma, bafoto
Yofo ‘aŋɔrɔ cɩɩnɩ kaja ‘ɩshilé tǝb-n’ɩnʊn kʊja, gaja kotoku-banyɩʊ-na-tǝb-n’ɩriu ʊ lee ka ʊshilé nɖee atʊsoro Aɖamu, alǝlǝja a na lǝ anii ataraaɖiyoo abʊmbɔnɔ nɩ Kʊtɔnʊ ma, a pɩ tɩ wa na atʊ. Na gɩ lee faawɩɩ ɖaa atɩntǝma n na sara ma. Atɩfaawɩɩ mana nɩ, gɩ lǝ ɖaa gaɖuu atɩgɩkrǝ gɩ ce ŋyɩɩ atǝ boŋo ma. Ʊrɔŋ atɩgɩkrǝ ka gɩ kɔɔ lee gɩlugoka nɖulinya nɩ na, gɩ ɖa gbagbaraa ŋyofotala laŋ ba na yɩɖa waa ɛntɛrnɛt ma, ashee batʊrka ba naa tʊr. K’ɩ lee na wahala ɖǝn na. Bɛrɛɩ ba lee faawɩɩ GʊGʊ kaŋkulo nɩ ashee atʊsoro alǝlǝja ɖe ma na gǝŋ : ATI KALAM Hakiimu na BABA BƆƉƖ SALIFU Nuhum.

Nuhum BABA BƆƉƖ SAALIFU

Laisser un commentaire