Ʊŋono Hoɖal Beo a jeɖe atǝgatǝnleeɖu

Ʊŋono Hoɖal Beo a lee ayɔkɔlaaja na, aɖa Kʊtɔnʊ na lee antǝma. AtaGʊGʊ nɔmba 7ja kambʊsaʊ́ nsǝbaka laŋ, afoto na ɩ na ŋǝ gǝŋ.

Asiibi afɔ́nɔ̀ ‘aŋɔrɔ 6ja ‘ʊshilé 30ja na Hoɖal Beo a ta Jugu apɩ atɩ jeɖe atɩgɩkrǝ anii kaatǝnleeɖu. Ntǝma nɖǝn n taa ka nɩ Kʊtɔnʊ apɩ na Jugu ; n’a lǝ wàà, gʊsoro ŋgʊɖee gɩ jɩ ma laŋ, k’ɩ sim aɖe a pɩ Jugu ma, aɖe a pàá pɩ̂ Bashɩɖɩ atɩ jeɖe atʊ na.

Ɩ lee ʊciŋkǝrka ashee atʊ páá. Na nɩ gɩ lee faawɩɩ aboŋo ma, na gɩ faŋa nɩ atabiroo kabaamʊ kpataa. Ɩ ta san nɩ gboo gɩshɛbʊ ɖaa a pɩ atɩ yɔ atǝgatǝnleeɖu ma.

Ʊŋono Hoɖal Beo atabiroo nɩ

Aŋɔnka : ATI KALAM Hakiimu

Hakiimu ATI KALAM