Gɩnyipi IPeƉeeA [IPDA]

Arɩsǝma yofo ‘aŋɔrɔ tǝb-n’ʊɖǝn ‘ɩshilé akoo-n’ɩnyɩʊ gaja kotoku-banyɩʊ-na-tǝb-n’ɩriu n’ʊga Martɛɛŋ a ce tɩ shɩ gɩnyipi IPeƉeeA [IPDA] abʊmbɔnɔ (ŋkpatɩlɛŋɛ) ashee GʊGʊ kaŋkulo ; ɖaa gɩ na yɛɛ gɩ tîne blɔg ma laŋ. Naa baa arɛ̀ apaŋa na a sǝ̂ra na lo na kiɖe blɔg naa ɩ mɛnɛ n’atʊ. Aɖʊwaa ʊrɔŋ bɛrɛ tuutuuma kǝ ba wʊɖa ŋyofotala na lo ɩfala nɩ na. Shee ɩnyipi laŋ na ba li GʊGʊ kabɔ na kiɖe koo na tʊr. Atɩgɩnyipi gɩɖe kʊshɩʊ ʊ tʊʊ kâŋa n’atʊ gɩ yɔ̂ ɖaa ba na lo gɩnyipi na ce ɛntɛrnɛt laŋ ma.

Atɩŋkpatɩlɛŋɛ
Atɩŋkpatɩlɛŋɛ

Gɩnyipi ŋkpatɩlɛŋɛ nɖe n tɩ lee ayɔkɔ ɩŋunii ɖaa basaaka gboo ma. Ama kayɔkɔfaŋaka ɩ sǝŋkǝla awu basaaka bɩja. Agaŋǝ gabɔɖɔka gaɖe laŋ na ba na pǝkil ɩkɔɩ naa naa lee bʊkɔɩ ɩ na yɛɛ ma. Baa gatǝnleeɖu kaŋka na ɩ ɖa, ɛntɛrnɛt a tɩ lee ntǝma.

Fuseeni ALƐ JƆBƆ

Laisser un commentaire