Lʊmɛ kaŋkulo n jeɖe GʊGʊ kaatǝnleeɖu

Yofo ‘aŋɔrɔ tǝb-n’ɩnyɩʊ kaja ‘ɩshilé akoo-na-ganaana, gaja kotoku-banyɩʊ-na-tǝb-n’ɩnyɩʊ na Lʊmɛ kaŋkulo n pɩ Bashɩɖɩ kʊwalʊ ma, ba pɩ atɩ jeɖe GʊGʊ kaatǝnleeɖu.

Lʊmɛ na GʊGʊ kaŋkulo kǝbaɖǝn bafoto
Lʊmɛ na GʊGʊ kaŋkulo kǝbaɖǝn bafoto

Bʊkpaʊ nɩ, GʊGʊ kaŋkulo n cam pɩ gɩsaná gɩshɛbʊ ; afaŋa pɩ atǝma kaku afǝlǝfǝlǝ n’ayɔkɔɩ gɩ na lo na lee n’atǝma ma. Bʊjeɖu ɖe nɩ, ba kǝ akɔ́lɩ ashee atʊ na gɩ kǝ ŋyofotala aŋɔn ɩ n’anii kɩɩbii. Ɩ ta kpa pɩ maamaaci. Gɩ boŋo ma, na gɩ man alaa ŋkulo kafoto. Bʊshɛʊ nɩ na ba nyiŋǝ ashee GʊGʊ kaŋkulo na kaɖi baja.

Nuhum BABA BƆƉƖ SAALIFU

Laisser un commentaire