Afɔnɔ ‘aŋɔrɔ tǝb-n’ɩnyɩʊ kaja ‘ʊshilé akoo-na-cɩɩnɩ kʊja na amʊ Hakiimu n’amaka Marjannatu gɩ kʊr shiiye.
Basana tuutuuma ba ɖoo n’apá apɩ atashiiye. Mbaɖee kǝ ba sǝra apɩ na ma, ba togo nsala ashee atʊ.
Shiiye kʊshilé, Martɛɛŋ n’akar Stɛfani ba pɩ atɩ jaŋ n’atʊ. Ba ŋǝ ɖaa shiiye akʊrka kabaamʊnʊ kpataa ɩ na sara Bashɩɖɩ nɩ ma. Ba laa ɩfoto naa alee kakaasɛɛtɩ ashee amʊ n’amaka.
Ambasoro baŋunii n’amaka abasoro baŋunii gboo ba pɩ atɩ jaŋ n’atʊ gɩshɛbʊ. Gɩ tɩ shee bɛrɛ baŋunii kpataa nsala.
[avatar user= »hakimou » size= »original » align= »left »]