Atǝbasoro Sulsbak kǝbaja na Mɛɛri kǝbaja bʊjeɖu SIL kaatǝnleeɖu gaja 2014

Mɛɛri, Sulsbak kǝbaja na GʊGʊ kaŋkulo
Mɛɛri, Sulsbak kǝbaja na GʊGʊ kaŋkulo

Atalaata kʊshilé yofo ‘aŋɔrɔ anyɩʊtaja ‘ʊshilé tǝb-n’ʊɖǝn kʊja na Sulsbak kǝbaja n’ataMɛr n’abaja ba pɩ atǝgatǝnleeɖu, SIL kaafala nɩ ajeɖe atʊ. Ba kpa ma na gɩ faŋa pɩ atayɔkɔɩ gɩ na lo ma, bʊkɔɩ gɩ sǝra alee boŋo ma, na bʊkɔɩ gɩ ɖa na lee ma. Gɩ faŋa pɩ boŋo kpataa ma, na gɩ pɩ atɩ sǝ atǝn naa alee faawɩɩ. Atafaawɩɩ nɩ, ba laa afaŋa atʊ bɛrɛɩ ba ɖa baŋkulo nɩ ma, atǝmaɩ baa aŋana a na lee ma. Ŋkǝŋ na  ataya Martɛɛŋ a na lǝ pɩ waa, maa ba ta sǝra ba pâla ataGʊGʊ kǝbɛrɛ baɖǝnɖǝn ba naa ce Sulsbak baa baja gapaŋa na cam ʊyɔʊ cei cei.

Gɩ boŋo faawɩɩ ma, na gɩ jɩ ʊjɩʊ. Ʊjɩʊjɩka kaŋkǝm, na gɩ laa foto na pɩ, na ba ye shɛʊ.

Ɩ saŋ n’atʊ ɖaa atʊ na pɩ atʊgʊsoro gʊ naa ɖa na ce ma.

Mumuni FAFANA

Laisser un commentaire