Gʊkɔrɔ gʊlaaka

Yofo ‘aŋɔrɔ ariutaja ‘ʊshilé akoo-na-kulumi kʊja gaja kotoku-banyɩʊ-na-tǝb-n’ɩnan, ʊ lee ka ʊshilé nɖee atǝbasoro bafɔnɔ LAŊƎ Falerii na GRAAFƎ Jɛni ba ɖoo n’Ʊlampǝl apɩ Bashɩɖɩ GʊGʊ kaatǝnleeɖu ma. Baniya na gǝŋ wàà, ba pɩ̂ atɩ ŋǝ ɖaa ba na laa gʊkɔrɔ ma. Aɖʊwaa bampá nɩ Jaama ba wʊɖa ɩŋoŋo na ɖǝu gboo. Ʊshilé ɖe kagɩteŋshile na gɩ man aɖoo na pɩ amʊ, Tairu na Umooru ace gʊkɔrɔ gʊlaaka gʊɖo nɩ.

Gʊkɔrɔ gʊlaaka kʊkpeɖu
Gʊkɔrɔ gʊlaaka kʊkpeɖu

Aɖʊwaa gɩ tɩ yɛɛ gɩ lêe kafaawɩɩ GʊGʊ kabʊsaʊ laŋ ashee samaa aŋunii.

Nuhum BABA BƆƉƖ SAALIFU

Laisser un commentaire