Annabi Ibrahim ataarii kambʊpa ŋkʊɖaka atɩgɩkrǝ nɩ

SIL Bashɩɖɩ a tɩ kʊɖa annabi Ibrahim ataarii kambʊpa atɩgɩkrǝ anii nɩ. Ʊni na ba na yɩɖa gɩfɔŋkrǝ nɩ wàà [Abraham].

Gacalaɩ alahaɖɩ afɔnɔ ‘aŋɔrɔ ariutaja ‘ʊshilé cɩɩnɩ kʊja na ʊŋono KOWABIIK Beɖuma Josɛf a ɖa shee bʊlikʊɖaka ɩkrǝ ɩfɔlɩ nɩ ma, a pɩ Bashɩɖɩ SIL kaatǝnleeɖu. A pɩ atɩ ceu annabi Ibrahim ataarii atɩgɩkrǝ nɩ na ŋkulo nɖee n lee koŋkaarɩ ma.

Ba ceu taarii ɖe naa ataŋataŋa nɩ ashee ʊŋono Josɛf na gɩfɔnɔ. Ʊŋono Josɛf aɖe tɩ kiɖe ɩ ta jɩ̂ wàà, bʊkɔɩ ba kʊɖa atɩgɩja nɩ ma, ɩ tɩ lǝ galei gaɖɔŋkɔnɔ na bʊkɔɩ ba cee ŋɔn taarii ɖe nɩ na Ebree [hébreu] kagɩkrǝ ma. Bʊɖu mbʊɖee kǝ bʊ sǝ na ma, n’ a tǝŋǝtǝŋǝ pɩ.

Annabi Ibrahim ataarii kʊsǝbʊ
Annabi Ibrahim ataarii kʊsǝbʊ

Ɩshilé ɩriu nɩ ba lee. Ʊshilé ʊriutaja ba boŋo ma, na ʊŋono Josɛf a shee atʊ abʊpa ɩŋɔnka kʊyɔʊ.

Arɛ̀ ɖǝn a ta naa yɛ̂ɛ a tʊ̂r taarii ɖe, a taa sǝ̂ra ataba atʊ.

Hakiimu ATI KALAM

Laisser un commentaire