Gʊpayarɩ ACIIBAA anyɩʊtaja abasǝmprǝ baŋkulo

Ŋkulo kafoto ʊjeɖu kaŋkǝm
Ŋkulo kafoto ʊjeɖu kaŋkǝm

Arɩsǝma gaja 2013 kaŋɔrɔ 8 kaja ‘ʊshilé 16 kʊja na atana Rahamatu, aŋyɩɖa nɖee ba yɔ na nɩ ma na gǝŋ “Gɩ cê ŋyɩɩ” n’aŋkulo ba pɩ atɩ jeɖe GʊGʊ kaatǝnleeɖu. Ba kpa ma, GʊGʊ kaŋkulo n cam pɩ atuu naa alee na pɩ faawɩɩ gɩshɛbʊ. Atoŋo pɩ afaŋa ntǝma nɖee ŋkulo n na lee ma, afaŋa pɩ ɩmaashɩn n’ayofotala ɩkǝka nɖee ŋkulo na na lo na lee na ntǝma ma. Afaŋa pɩ abɔ nɖee ɩ ɖa ashee ʊtʊr ma.

Atǝbana baɖe ba kaŋa ka na GʊGʊ kaŋkulo n lee abʊsaʊ 6 na 7 GʊGʊ nɔmba 5 nɩ. Gʊyà ACIIBAA anyɩʊtaja abasǝmprǝ baŋkulo njɩ gǝŋ. Gʊyarɩcɩncaŋa nɩ, atana Rahamatu na ba na yɩɖa waa “Kpeinyaa”. Kaashɩ na gǝŋ waa “gʊpayarɩ anar”.

Laisser un commentaire