Anii asamaa aŋunii, asǝba n’ʊrɔŋ ambaja ɩ tɩɩ sǝ̂ra na ŋǝ GʊGʊ alaabaarʊ Feisbuk [facebook] laŋ. Ɩ tɩɩ sǝ̂ra akɔɔ na ŋǝ laabaarʊ ɖe Guugǝl [Google] laŋ. Gaɖuu ɩ naa ŋǝ GʊGʊ alaabaarʊ Feisbuk laŋ ma na gǝŋ, ɩ ta kǝ̂ ŋyofotala laŋ www.facebook.com/revue-gugu. Gaɖuu ɩ kɔɔ sǝ̂ra na ŋǝ GʊGʊ alaabaarʊ Guugǝl laŋ ma na gǝŋ, ɩ ta kǝ̂ ŋyofotala laŋ plus.google.com/+Revue-guguOrg.
Ɩ tɩɩ sǝ̂ra na yʊga GʊGʊ alaabaarʊ na anyɩmbasoro Feisbuk laŋ kokoo Guugǝl+ [Google+] laŋ. Ama ɩ ta naa yɛ̂ɛ ɩ tʊ̂r GʊGʊ ɩ ɖâ anyɩn fɛɛ, kǝ̂ ma ŋyofotala laŋ www.revue-gugu.org ; aɖʊwaa GʊGʊ kambʊpa kaafala jɩ gǝŋ.
Gɩ tɩ tʊr anyɩn wàà, ɩ tɩɩ sǝ̂ra na ŋɔn bʊkɔɩ ɩ na ŋǝ GʊGʊ kambʊpa laŋ ma, na shee atʊ. Na ŋɔn anyafaŋa gboo na kal n’atʊ. Gǝŋ ma, lêe ma koŋkaarɩ na ce tɩ na kiɖe laabaarʊ kambʊpa ɖe.
Gɩ tɩ shee anyɩn atǝgatǝnleeɖu kansala.
[avatar user= »rahaman » size= »original » align= »left » /]