Mpá nɩ kɩpeli ɩpɛmpɛŋɛka

Yofo ‘aŋɔrɔ anantaja ‘ʊshilé akoo n’ɩnan kʊja, gaja kotoku-banyɩʊ-na-tǝb-n’ɩnan, ʊ lee ka ʊshilé nɖee gatapiila gafaka ga fa ɩpeli tuutuuma Bashɩɖɩ ʊpacine nɩ ma. Ʊfaʊ ɖe ʊ lee aŋfaanɩ tuutuuma ashee mpá, aɖʊwaa ʊto a ta nyɩ̂, bʊto ka bʊ kɔɔ na cala na kpa ɩfala nɖee ɩ ɖa acǝŋ n’ɩpeli ma na. Gatapiila gaɖe ga laa ɩbɔɩ gɩshɛbʊ, atǝkrǝ abulo nɖee ɩ ɖa ɩpeli laŋ ma. Ɩ lee ʊciŋkǝrka ashee GʊGʊ kaŋkulo na bɛrɛɩ ba ɖa asǝla na GʊGʊ kaatǝnleeɖu ma, aɖʊ ba fa atʊpeli gɩ na kʊn na ɖoo mpá nɩ, na kɔɔ na pɩ ntǝma nɩ ma.

Mpá nɩ kɩpeli ɩpɛmpɛŋɛka
Mpá nɩ kɩpeli ɩpɛmpɛŋɛka

Ʊpɛmpɛŋʊ ɖe ʊ tʊʊ pâla arɛ̀ɩ a na yɛɛ a jêɖe atʊ ntǝma nɩ ma, a kʊn ʊnyɩŋca ɩ ɖa nɩ fɛɛ.

Nuhum BABA BƆƉƖ SAALIFU

Laisser un commentaire