Yofo ‘aŋɔrɔ tǝb-n’ʊɖǝn kaja, ‘ʊshilé akoo kʊja gaja kotoku-banyɩʊ-na-tǝb-n’ɩnan, ʊ lee ka ʊshilé nɖee ʊŋono AKIME Amaɖu, ŋyɩɖa nɖee ba yɔ na nɩ gɩshɛbʊ ma na gǝŋ Moolim Amaɖu, a jeɖe atǝgatǝnleeɖu. A bʊŋa na faŋa ceu na, naa abʊŋa na cam ɩtanɖʊka kʊbɔlɔ gboo. Ama, ʊrɔŋ wáá, ba lee ka nnǝmboi kǝbaŋono. ‘Ʊjeɖu nɩ, a kʊma ntǝma gɩ na lee ma, páá.
Naa alǝ wàà, aɖe ta kɔ̂ɔ afal, aɖe taa shêe aɖe apar Limaamʊ Maalam Bashiiru laabaarʊ nɖee aɖe a pɩ atɩ ŋǝ wáá ma. Baɖe ba tǝ ba tɔ̂ɔ niya ashee ʊjeɖu ʊfɔlɩ. Gɩ tɩ shee atayà ɖe nsala mbʊmbɔnɔ. Gaja ga pêle nɩ gʊlɔ nɩ kalaafɩya ashee atʊ.
Ɩ lee ʊciŋkǝrka ashee GʊGʊ kaŋkulo ɖaa baŋono mpá nɩ ba na pɩ atɩ na jeɖe atʊ, na ŋǝ koŋkaarɩ nɖee nɩ gɩ ɖa ashee atɩgɩkrǝ anii kaŋyɩɩ kʊceu ma. Ɩ lee ʊshilúfɔlɩ.
[avatar user= »nouhoum » size= »original » align= »left » /]