Gʊcɩncaŋa gʊriŋǝka nfʊrʊkɔ

Yofo ‘aŋɔrɔ tǝb-n’ɩnyɩʊ kaja ‘ʊshilé kulumi kʊja gaja kotoku-banyɩʊ-na-tǝb-n’ɩnan. Ʊshilé ɖe na gʊpayarɩ ACIIBAA anyɩʊtaja a lǝ bɛrɛ ba ɖôo alee ntǝma gʊcɩncaŋa gʊfɔlɩ ba na cǝ ma nɩ. Ntǝma nɖee ba lee ma na, nfʊrʊkɔ nriŋǝka gʊcɩncaŋa nɩ. Bayifala, bapigii, basoro, na basǝmprǝ laŋ ba ɖoo alee ntǝma nɖe gɩshɛbʊ. Ba sǝba bʊkɔŋkɔŋɔ cɩɩnɩ gajaka naa atɩ boŋo saabiu gɩshilikɔnɔ. Gʊyà ‘abɔŋɔnja ʊŋono GƆMƆ Yaakubu na gʊyà apar ACIIBAA Isifu ba ɖa ka na ɖʊ bɛrɛ ɩkashɩ. Ntǝma nɖe kɩ n lee arɛ̀ aɖɔŋkɔnɔ agalei na. Ɩ lee bɛrɛ tuutuuma bantǝma njɩ.

Gʊcɩncaŋa kanfʊrʊkɔ ntoŋoka
Gʊcɩncaŋa kanfʊrʊkɔ ntoŋoka

Gaja ga pâla gɩ wʊ̂ɖa ɩcine, ʊcǝʊkʊ na suuru naa ari n’atǝbawor. Ntǝma nɖe kʊboŋu, ɩ tɩɩ lêe ayiɖoo ashee atɩmpá Bashɩɖɩ. Ɩ lee ʊshilé ʊfɔlɩ.

Nuhum BABA BƆƉƖ SAALIFU

Laisser un commentaire