Anii kabɔyalaka Bashɩɖɩ kagʊyá nɩ

Yofo ‘aŋɔrɔ kulumi kaja ‘ʊshilé akoo-n’ɩriu kʊja, GʊGʊ kaŋkulo n lee koŋkaarɩ na ɖoo na anii kabɔ ɩtʊrka nɖee ɩ ɖa ʊyalʊ́ ma. Bashɩɖɩ kagʊyá nɩ, GʊGʊ kaamaŋkǝli kaŋkǝmǝ na gɩ tɩ atatebiri ayalaka n’abɔ.

Atabɔ ɩyalaka Bashɩɖɩ kagʊyá nɩ
Atabɔ ɩyalaka Bashɩɖɩ kagʊyá nɩ

Abɔyalaka ɖe kanɖiyar na gǝŋ gʊna BABA BƆƉƖ Saliimatu. Asul na ɩ na ɖa ; baa sáà apaŋa n’arɛ̀ a na yɛ̂ɛ a shɩ̂, a ŋǝ̂ ashɩ ma. Mbaɖee ba saa ɖaa ŋkulo nɩ kǝbɛrɛ ma, ba na ce ce atɩ na kaŋa na nɩ na sáà bawor.

Ɩ lee ʊciŋkǝrka ashee GʊGʊ kaŋkulo aɖʊ ɖaa koŋkaarɩ nɖee ba lee naa asǝra na ɖoo n’abɔ ɖe ma. Baniya ka ɖa ashee ʊyalʊ́ kanɖǝnɖǝn laŋ na. Ba sɔlɔ gboo wàà, bɛrɛ ba yɔ̂ koŋkaarɩ nɖee a ɖa ashee atɩgɩkrǝ anii ma. Bɛrɛ ba yɔ̂ ʊtʊr na kʊŋɔn, ɩ lee ka kpatakɩɩ naa alee gɩkrǝ kaŋyɩɩ kʊceu nɖulinya nɩ. Gaja ga pêle koŋkaarɩ ashee anii kʊpi baa apaŋa gaɖuu a ɖa ma.

Nuhum BABA BƆƉƖ SAALIFU

Laisser un commentaire