Gaja 2014 nɩ na atʊsoro ba na yɩɖa wàà, MƱHAMƐƉ Jana [MUHAMMED Jannah] ma, a jeɖe atʊ. A tɩ lee ntǝma na gʊyo ŋgʊɖee ba na yɩɖa wàà, [moringa] ma, naa naa yɛɛ a yɔ̂ ɖaa ba na lee kaŋkǝma ma. N’atɩgɩkrǝ anii ba tɩ yɩɖa gʊyo gʊɖe wàà, gayofosɔkɩmɩ.
Ŋkǝŋ na atana BABA BƆƉƖ Saliimatu a lee ŋkǝma nɖe na faŋa nɩ, aɖe tɩ kiɖe ɖaa ba na lee ma. A lee tǝmatɩ n’ɩkaka kaŋkǝma, kárákárá. Atʊsoro ɖe a kaŋa na nɩ apǝtǝr gayofosɔkɩmɩ kabɔ.
Ŋkǝma n pɩl boŋo ma, n’atana ɖe a tɔɔ abɔ ɖe asakǝl na bʊto bʊsoŋsono aɖʊ ŋkǝma nɖe nɩ. Ɩ san n’atʊsoro ɖe páá ɖaa a pɩ atɩ ŋǝ ɖaa gǝŋ ma.
GʊGʊ kaŋkulo n lee koŋkaarɩ atǝu gayofosɔkɩmɩ gaɖe kayo ; aŋfaanɩ nɖee ga wʊɖa ashee gʊlɔ nɩ kalaafɩya ma laŋ.
MƱHAMƐƉ Jana a lee arɛ̀ nɖee a tǝlǝ ataa gɩsǝwa apɩ atɩ ɖa Bashɩɖɩ ashee ʊɖaʊ fɛɛ kaalei laŋ ma na.
[avatar user= »rahinatou » /]