Ɖoo arɛ̀ a ta naa yɛ̂ɛ a kpâ atɩcǝpǝrʊjala nɩ, gɩfɔŋkrǝ kabaamʊ laŋ na a na kǝ naa aye kpa ncǝn atɩ ŋǝ bʊkɔ́ɩ a na yɛɛ ma, atʊr naa arǝŋǝ.
K’ɩ shee sim gɩ lǝ wàà, gɩ tʊ̂r anii ma, gɩ naa cǝkǝla n’ɩkrǝ ɩfɔlɩ na. Na gɩ lee koŋkaarɩ akʊɖa bʊlipi na kabʊlei mbʊɖee laŋ ba na kǝ naa aye kpa ɩcǝpǝrʊjala ɖe nɩ ma, n’atɩgɩkrǝ anii.
Lêe ma koŋkaarɩ a cam ɩcǝpǝrʊjala ɖe aɖʊ anyɩnɩnyipi nɩ, naa ɩ sǝ̂ra aŋǝ bʊkɔ́ɩ bʊ ɖa gásono ma.
https://play.google.com/store/apps/dev?id=6643780759984414422
N’ʊtʊr ma.
Aŋɔnka : ISIFU SƱMAANƱ Mustafa