Ɩkrǝ kʊŋɔn na kʊtʊr kanɖiyar ɖǝn ba na yɩɖa wàà AKPALA Mʊntaarʊ ma, a ta na Jugu, Ɖɔŋga kʊtǝnla kaŋkǝmǝ, apɩ anii kaafala gabʊmbɔnɔ nɩ atɩya, apele gɩkrǝ kǝbatǝnleeja bafɔlɩ banyɩʊ. Ɩɖe tɩ lee alaamɩshɩ, gaja kaŋɔrɔ cɩɩnɩ kaja, ‘ʊshilé ʊnʊntaja na gǝŋ gɩteŋshile laŋ.
Ba pɩ pɩ atɩ jeɖe anii kaafala gabʊmbɔnɔ nɩ kǝbaja, ashee bakoŋkaarɩ nɖee ba na lee na shee anii kagɩkrǝ kaŋyɩɩ kʊceu ma. Ama kǝ ba lǝŋ na, ba lee ɖaa anaŋa tǝb na kaŋkǝm ma, na ba shɛʊ, aɖʊwaa ʊshilé a tɩ ci aboŋo.
