Ʊjaŋ kʊshilé

Gacalaɩ arɩsǝma afɔnɔ ‘aŋɔrɔ asǝbaka ‘ʊshilé akoo-n’ ɩnyɩʊ kʊja, gaja kotoku-banyɩʊ-na-tǝb-n’ɩkolom nɩ na SIL kaŋkulo n saŋ wala aman ajɩ ɩjɩʊ.

SIL kaɖi baja, Martɛɛŋ n’ akar Stɛfani ba mana, ʊrɔŋ bʊja bʊnyɩʊ bʊ na ce gǝŋ. Ba kpa ma, na ba lǝ wàà, shee gɩ jɩ̂ jɩŋgaarɩ ajala ɖǝn ; aɖʊwaa, baɖe ba mana ɩ lǝŋ ; na ka gɩ kɔɔ wala ajɩ jɩŋgaarɩ ɖǝn asǝla na. Baɖe ba kpa alaafɩya awʊɖa atʊ alaafɩya ma, ɩ san na baɖe páá. Galaŋ ɩ lee ɖoole ashee atʊ ŋkulo gɩ jâŋ. Gaɖuɩ gɩ tɩ ʊshilé naa awa arɩsǝma ɖe ajɩ ʊjɩʊ, alee faawɩɩ páá naa aye laa foto ŋkulo kaja ma na gǝŋ.

GʊGʊ kaŋkulo ʊjaŋ kʊshilé
GʊGʊ kaŋkulo ʊjaŋ kʊshilé

Gaja ga lâma ataŋuro naa atɩ atʊ alaafɩya, gɩ naa sǝ̂ba baa mʊ n’ aleheeri na boŋo n’aleheeri.

Mʊstafa ISIFU SƱMAANƱ

Laisser un commentaire