Ɩ lee bʊja tuutuuma bɛrɛ ba lǝ atʊ wàà, Anii kǝbaja tuutuuma ba ɖa Gafaraŋshɩtǝna nɩ ma. Gakoloŋ gɩ cam banɔmba, na gɩ lǝ wàà, tam nɖee gɩ nɩ gɩ fǝ̂l Gafaraŋshɩtǝna ma, gɩ tɩ gɩ lêe koŋkaarɩ ajeɖe pɩ.
Asiibi yofo ‘aŋɔrɔ anʊntaja ‘ʊshilé akoo-n’ɩriu kʊja, gɩ kpa Parii ma, na anii kǝbaja ba lee ʊwalʊ ʊjala ŋkǝŋ, banɖiyar ALƐ Abɖala agafala nɩ.
Ba cam atʊ gɩshɛbʊ, na gɩ lee faawɩɩ gɩshɛbʊ. N’ɩ san n’atʊ ɖaa ba sɔlɔ atɩgɩkrǝ anii ma.
Gɩ tʊr abʊpá ɩjala, na gɩ tʊr ataGʊGʊ bagayofoŋǝ nɩ ɛntɛrnɛɛtɩ laŋ. Basǝmprǝ ba lee ʊjɩʊ gɩshɛbʊ, gɩ jɩ bɛmbɛrɛnshɛ. Na gɩ tine GʊGʊ kambʊsaʊ nɖee n na faŋa bɛmbɛrɛnshɛ kʊleeu ma, na gɩ tʊr ɩ. Bɛmbɛrɛnshɛ
Gɩ ce n’atabʊpá ɩjala, na ba shɩ tuutuuma. N’ɩ san n’atʊ ɖaa anii kǝbaja mbaɖee ba ɖa Parii, ba na yɛɛ ba tʊ̂r atɩgɩkrǝ anii ma.
Ɩ lee ʊshilé ʊfɔlɩ.
[avatar user= »stefanie » size= »original » align= »left » /]