Anii kǝbaja Ɛspaanyɩ nɩ ba sǝba gʊbʊtʊrka

Anii kǝbaja Gajaamatǝna nɩ ba lǝ atʊ wàà, anii kǝbaja ba ɖa Ɛspaanyɩ nɩ gboo. Atǝgasana nɩ, aŋkul n’amʊ gɩ fǝl Ɛspaanyɩ nɩ ma, na gɩ lee koŋkaarɩ ajeɖe anii kǝbaja mbaɖee ba ɖa ŋkǝŋ ma.

Ba lee ʊwalʊ Alahaɖɩ gaja kotoku-banyɩʊ-na-tǝb-n’ɩnʊn yofo ‘aŋɔrɔ cɩɩnɩ kaja ‘ʊshilé ʊkolontaja, bʊŋono CABƖ Marʊwan n’akar bagafala nɩ.

N’ɩ san n’atʊ ɖaa gɩ yɔ pɩ ma, na ba cam atʊ gɩshɛbʊ. Gɩ jɩ ʊjɩʊ gɩshɛbʊ, na gɩ lee atɩgɩkrǝ kafaawɩɩ. Gɩ faŋa pɩ atabʊpá n’ataGʊGʊ, na gɩ man atʊr na pɩ.

Ɩ san n’atʊ ɖaa kǝ ba nyir anii kagɩkrǝ na kaɖaɖaa na ma.

Ɩ lee ʊshilé ʊfɔlɩ.

Atɩgɩkrǝ kʊwalʊ Ɛspaanyɩ nɩ
Stɛfani TSASKƐ

Laisser un commentaire