Gɩ lee atɩgɩkrǝ kʊwalʊ ʊyɔʊcamka kasukuru abʊmbɔnɔ nɩ Kalafi

Gakoloŋ Penesul kaatǝnsapɩ, anii kǝbayifala na bapigii mbaɖee ba ɖa ʊyɔʊcamka kasukuru abʊmbɔnɔ nɩ Kalafi ma, ba yɩɖa aŋkul n’amʊ naa alǝ atʊ wàà, ba tɩ yɛɛ ba ŋǝ̂ atɩgɩkrǝ kabʊpá. Na gɩ ce atɩ jeɖe pɩ asiibi yofo ‘aŋɔrɔ anʊntaja ‘ʊshilé tǝb-n’ɩnan kʊja.

Banɖiyar SAKARII Hakim a walawala bɛrɛ, na gɩ sǝ ʊyɔʊcamka kasukuru kagaka laŋ alee atɩgɩkrǝ kafaawɩɩ gɩshɛbʊ. Na gɩ faŋafaŋa ɖaa gɩ sǝ̂ra ayɩɖa  [philosophie] n’atɩgɩkrǝ ma.

Gɩ tɩ lee atɩgɩkrǝ kafaawɩɩ

Gɩ tʊr ataGʊGʊ kabʊsaʊ ɩɖǝn, na gɩ faŋa pɩ atabʊpá ɩŋunii, na ba shɩ ɩɖǝn.

Bayifala na bapigii bɩcine ɩ kǝr n’atɩgɩkrǝ

Ɩ san n’atʊ ɖaa bayifala na bapigii ba ɖa na cam ʊyɔʊ ma, ama kǝ ba nyir atɩgɩkrǝ na kaɖaɖaa na.

Stɛfani TSASKƐ

Laisser un commentaire