Sukuru kʊŋʊrʊ kaŋkǝlǝ́

GʊGʊ kaŋkulo na sukuru kǝbapi
GʊGʊ kaŋkulo na sukuru kǝbapi

Gakoloŋ gaja kotoku-banyɩʊ-na-tǝb-n’ɩriu (2013) kaŋɔrɔ ganaana kaja ‘ɩshilé tǝb-n’ɩriu, tǝb-n’ɩnan, na tǝb-n’ɩnʊn kɩja, ɩ lee ka ɩshilé nɖee GʊGʊ kaŋkulo n ce atɩ jeɖe sukuru ajala nɩ kǝbapi ma. Ɩɖe lee sukuru kǝbayifala na kǝbapigii baŋkulo ba na yɩɖa waa [AEEDAB] ma, bakoŋkaarɩ nɖee ba na lee na shee bapi ʊŋʊrʊ ʊbʊmbɔnɔ kaŋkǝlǝ́ aɖʊ basukuru kaŋyɩɩ kʊceu ma. [Cours de vacances] na gǝŋ. Ɩshilé ɖe nɩ na GʊGʊ kaŋkulo n paŋkǝl atʊr atɩgɩkrǝ anii kabɔ na bapi, naa afaŋa pɩ riiba nɖee a ɖa ncǝn ʊ ta cere jɩ kʊtʊr na kʊŋɔn ma.

Mʊstafa ISIFU SƱMAANƱ

Laisser un commentaire