Penesul kagʊyarɩ ‘ʊjeɖu

Arɩsǝma afɔnɔ ‘aŋɔrɔ anʊntaja ‘ʊshilé akoo kʊja nɩ na Penesul kagʊyarɩ ba na yɩɖa wàà, AYAGOMA anyɩʊtaja ma, n’akpeinyaa ba pɩ atɩ jeɖe atʊ SIL kaatǝnleeɖu.

Kʊshilé ɖe, Bashɩɖɩ kagʊyarɩ Aciibaa anyɩʊtaja sul na ba pɩ. Ba boŋo ma, na wàà, k’ɩ sim aɖe a pɩ̂ Bashɩɖɩ akɔɔ, aɖe k’a ŋǝ SIL kaafala na kaŋkulo na. N’ʊŋono GƆMƆ Yaakubu, Aciibaa anyɩʊtaja ‘abɔŋɔnja a yala nɩ ba pɩ.

Na ce bʊkɔŋkɔŋɔ̀ tǝb-n’ʊɖǝn nɩ na ba kpa gɩ cam pɩ gɩsaná, alee faawɩɩ gɩshɛbʊ na ba ye shɛʊ. Gaja ga sǝ̂la pɩ laaɖa.

Penesul kagʊyarɩ na SIL Bashɩɖɩ kaŋkulo
Penesul kagʊyarɩ na SIL Bashɩɖɩ kaŋkulo

 

 

 

 

 

 

 

 

Mʊstafa ISIFU SƱMAANƱ

Laisser un commentaire