Ŋkulo n tɩ sala anyɩn ɖoo na kaatǝnleeɖu Bashɩɖɩ ashee ʊshilé ʊbʊmbɔnɔ nɖee ba laa ashee atɩkrǝ nɖee ba ŋʊm n’atʊ ma.
Galei ŋgaɖee ba lee na ntǝma gakoloŋ ma, na ŋkulo kaniya ɩ kʊn ɩwor gɩshɛbʊ : « Ʊceru n’ɩkrǝ tuutuuma ashee ŋyɩɩ kʊceu »
Bashɩɖɩ kʊwalʊ nɩ gakoloŋ yofo ‘aŋɔrɔ aboŋoka nɩ, gɩ tɔɔ niya ɖǝn. Baɩ na gɩ lêe naa asǝra na faŋa anii, ʊŋɔn n’ʊtʊr atɩsukuru n’atɩkoloji mana nɩ ? Ʊtʊr kakulo nɩ koo bɛrɛɩ ba sɔlɔ na yɛɛ ba cêre ʊtʊr n’anii kagɩkrǝ ma aa ?
Atʊjeɖu gacalaɩ nɖe, gɩ jeɖe gafala ŋgaɖee ga ɖa Jugu ashee atɩkoloji mana kʊkiɖu ma, gafala gaɖe kʊŋono a shee atʊ ganɔ wàà, gɩ tɩ gɩ sǝ̂ra asǝba, nawɩya ɖǝn k’a ɖa na.
Atɩŋkulo n sǝba na kpeɖe ayɔkɔ ɩfɔlɩ gʊcǝrá kɩja ɩ lee ʊceru ashee bapi ma, n’anii kagɩkrǝ.
Ɩ ta wʊ̂ɖa gʊfaŋa gʊɖǝn koo ʊkalnama galei gaɖe laŋ, lǝ̂ ma ashee atʊ.
Gɩ lêe ganɔ gaɖɔŋkɔnɔ ashee ʊceru n’ɩkrǝ tuutuuma ashee anii kǝbapi.
http://www.unesco.org/new/fr/international-mother-language-day/
[avatar user= »stefanie » size= »original » align= »left » /]