Abɔyalaka gʊyá nɩ kʊfǝlǝ ʊfɔlɩ

Ʊŋono Ɖanjima na Mumuni ba ɖa abɔyalaka kaŋkuro kʊtǝɖu nɩ.
Ʊŋono Ɖanjima na Mumuni ba ɖa abɔyalaka kaŋkuro kʊtǝɖu nɩ.

Abɔyalaka gʊyá nɩ kʊfǝlǝ ʊfɔlɩƖshilé nɖe nɩ, gɩ pɔɔ atabɔ nɖee gɩ na ɖoo na gʊyá nɩ na yala ma, kʊfǝlǝ ʊfɔlɩ. Ʊŋono Ɖanjima atɩɩlapɔɔja a pɔɔ ka ʊfǝlǝ ɖe ashee atʊ. Gɩ lee koŋkaarɩ akaŋa n’ʊŋono ɖe afaŋa kaŋkuro atǝɖǝ naa apɔɔ.

Nnyǝmǝ, arɛ̀ a ta yîɖe alǝŋ gaɖu cei, a tɩ sǝra aŋǝ wàà, ba bǝlǝbǝlǝ abɔ na yala. Aɖʊwaa a pɔɔ ʊfǝlǝ ɖe naa aɖʊ ɩfǝlǝ ɩjala ashee asaʊ̀ ɩnyɩʊ ɩŋunii, ŋyɩɩ na ŋkǝm. A pɔɔ aboŋo naa gɩ tɔɔ ace atɩ ɖʊ akiɖe ma, gɩ ŋǝ wàà, ɩ cɔɔ fana n’atatebiri gʊyá nɩ kaja.

Mumuni FAFANA

Laisser un commentaire