Abɔyalaka gʊyá nɩ kʊfǝlǝ ʊfɔlɩƖshilé nɖe nɩ, gɩ pɔɔ atabɔ nɖee gɩ na ɖoo na gʊyá nɩ na yala ma, kʊfǝlǝ ʊfɔlɩ. Ʊŋono Ɖanjima atɩɩlapɔɔja a pɔɔ ka ʊfǝlǝ ɖe ashee atʊ. Gɩ lee koŋkaarɩ akaŋa n’ʊŋono ɖe afaŋa kaŋkuro atǝɖǝ naa apɔɔ.
Nnyǝmǝ, arɛ̀ a ta yîɖe alǝŋ gaɖu cei, a tɩ sǝra aŋǝ wàà, ba bǝlǝbǝlǝ abɔ na yala. Aɖʊwaa a pɔɔ ʊfǝlǝ ɖe naa aɖʊ ɩfǝlǝ ɩjala ashee asaʊ̀ ɩnyɩʊ ɩŋunii, ŋyɩɩ na ŋkǝm. A pɔɔ aboŋo naa gɩ tɔɔ ace atɩ ɖʊ akiɖe ma, gɩ ŋǝ wàà, ɩ cɔɔ fana n’atatebiri gʊyá nɩ kaja.
[avatar user= »moumouni » size= »original » align= »left » /]