Gʊna AƉEBIYI Saaɖɩya ‘ʊjeɖu SIL kaatǝnleeɖu

Alaamɩshɩ afɔ́nɔ̀ ‘aŋɔrɔ ganaana kaja ʊshilé ʊnyɩʊtaja gaja kotoku-banyɩʊ-na-tǝb-na-ganaana, n’atana AƉEBIYI Saaɖɩya n »ʊŋono ba jeɖe atʊ anii kaatǝnleeɖu Bashɩɖɩ ŋkǝlǝ̀ Ajegulɛ. Bʊjeɖu nɩ, ŋkulo n cam pɩ gɩsaná gɩshɛbʊ, afaŋa pɩ atǝma kabʊɖu bʊŋunii. Atǝma kabʊɖukiɖeka kaŋkǝm, na gɩ sǝ atǝn alee ɩfaawɩɩ tuutuuma.

Gani kaŋkǝm, a kal n’atʊ ɖaa gɩ ŋɔ̂n waseeka ashee Miniisǝr nɖee a ɖa ashee ɩsukuru bafaŋaka kanɖi laŋ ma. Gʊbɔ gʊɖe gʊ naa fâŋa wàà, gɩ tɩ taba ganɔ na yɛɛ anii kʊfaŋʊ ɩsukuru baɖǝn nɩ.

Atana Saaɖɩya a kʊma atɩntǝma páá. Gɩ boŋo ma, na gɩ laa ŋkulo kafoto.

Bajeɖeka na GʊGʊ kaŋkulo

Aŋɔnka : BABABƆƉƖ SAALIFU Nuhum

Nuhum BABA BƆƉƖ SAALIFU