Atʊsoro MUSA Nuuruɖin ‘ʊjeɖu SIL kaatǝnleeɖu

Alaamɩshɩ afɔ́nɔ̀ ‘aŋɔrɔ ganaana kaja ‘ʊshilé ʊnyɩʊtaja, gaja kotoku-banyɩʊ-na-tǝb-na-ganaana na atʊsoro MUSA Nuuruɖin Alǝlǝja Kanal 3 Waama [canal 3 Waama] a jeɖe atʊ SIL kaatǝnleeɖu.

A kpa ma, gɩ cam nɩ gɩshɛbʊ, aman asǝ alee faawɩɩ, atɔɔ nɩ afaŋa akuɩ nɩ gɩ na lee atǝma ma, alǝ ashee nɩ ɖaa gɩ na sara ma. Ɩ ta san na nɩ páá a ŋǝ gǝŋ ma, naa asan n’atʊ gboo, aɖʊwaa a lǝ wàà, ʊciŋkǝrka na ashee aɖe aŋǝ ɖaa atɩgɩkrǝ anii ka baa mʊ ɩ na ce ŋyɩɩ ma. Aɖe sɔlɔ gboo a yɔ̂ kʊŋɔn na kʊtʊr ɖaa ɩ sim ma.

Nuuruɖin na SIL Bashɩɖɩ kaŋkulo

Atʊsoro ɖe a lee arɛ̀ nɖee a ɖa ashee ɩkrǝ ɩfɔlɩ nɖee ba na lǝ Kanal 3 Waama ɖe nɩ ma, kanɖiyar na. Galaŋ gɩ tɩ nyiŋǝ ŋŋuro nlaŋlaŋa n’alaafɩya na shee nɩ, Gaja ga pele nɩ ɩkashɩ ashee nɩ ʊcine naa aɖʊ nɩ albarka anyɔnna abʊŋʊma naa gɩ sǝra akaŋa n’atǝbawor.

Aŋɔnka : ISIFU SƱMAANƱ Mustafa

Mʊstafa ISIFU SƱMAANƱ