Bayarɩ baŋkulo bʊjeɖu SIL kaatǝnleeɖu

Ŋkulo nɖe n na kpeɖe bayarɩ bʊwalʊ kʊceu Saramaŋga
Ŋkulo nɖe n na kpeɖe bayarɩ bʊwalʊ kʊceu Saramaŋga

Alahaɖɩ afɔnɔ ‘aŋɔrɔ tǝb-n’ʊɖǝn kaja ‘ʊshilé tǝb kʊja na bayarɩ baŋkulo n jeɖe SIL kaatǝnleeɖu. Ʊshilé ɖe ʊ lee ka ʊshilé nɖee GʊGʊ kaŋkulo n na ŋʊra ma. Ama ba kpa ma, ba wʊɖa SIL kanɖiyar n’akar. Bʊkpaʊ nɩ, ba sala bɛrɛ banyɩʊ baɖe na GʊGʊ kaŋkulo ŋŋunii. Naa akʊma njɩ ashee koŋkaarɩ nɖee gɩ na lee na shee anii kagɩkrǝ kaŋyɩɩ kʊceu ma. Bansala kaŋkǝm, na ba lǝ ashee atʊ waa, bayarɩ bʊwalʊ gɩ lee gacokol Boɖi ma, ʊ ɖa gakoloŋ kaaja ŋgaɖe kaŋɔrɔ aboŋoka ‘ɩshilé akoo-n’ʊɖǝn kʊja Saramaŋga kampá nɩ. Galaŋ baɖe ba sɔlɔ waa, atǝbaŋunii gɩ wa ŋkǝŋ kʊshilé ɖe. Ʊshilé ɖe ʊ shee fana n’ʊshilé nɖee gɩ tɩ na yɛɛ gɩ wâ ayɛɛ atɩgɩkrǝ kaŋyɩɩ kʊceu ma. Na ba lǝ atʊ waa, gɩ tɩ gɩ sǝ̂ra ace naa akʊɖa bʊkɔɩ ŋkulo nɖe n na lee na shee gɩkrǝ kaŋyɩɩ kʊceu ma.

Malookiya IBRAHIM INUUSA

Laisser un commentaire