Ʊtʊrcamka

GʊGʊ baa apaŋa a ta shɩ ɖoo gɩ tɩ tʊr na cam. Ʊtʊrcamka ɖe ʊ na kaŋa na anii kǝbapi mbaɖee ba ɖa apá ɩfɔlɩ nɩ kokoo bʊtǝna bʊfɔlɩ nɩ ma na. Ʊtʊr ɖe gɩ na ɖʊ ɛntɛrnɛt laŋ na, bɛrɛ ba ta tîne baɖe ba tɩ rǝŋǝ ʊtʊr ɖe naa naa kiɖe gʊbɔ laŋ na tʊr na ma kpaarɩ.

Fuseeni na Mumuni ʊtʊrcamka kaŋku nɩ
Fuseeni na Mumuni ʊtʊrcamka kaŋku nɩ

Ʊtʊr ɖe ʊ tɩ kaŋa na GʊGʊ kabʊmaŋkǝli kaɖi baja. Aɖʊwaa gɩ ta câm ʊtʊr aboŋo, atʊ gɩ laa ʊtʊr ɖe aɖʊ ayɔkɔ ɩjala nɖee gɩ na ɖʊ gɩnyipi gɩtoŋoka nɩ na kǝ na gʊcǝma ma nɩ. Ɩɖe wʊɖa raaɖiyoo nɖee nɩ ba na kara ɩ na kǝ ba rǝ̂ŋǝ ʊtʊr ba ta ɖâ bʊmaŋkǝli sul na tʊr GʊGʊ kabɔ na bɛrɛ ma.

Ama gɩ ta câm ʊtʊr ɖe gǝŋ, ɩ wʊɖa kʊpɛmpɛŋʊ. Arɛ̀ nɖee a tʊr ma, a na pɛmpɛŋɛ ʊtʊr ɖe gboo. Bɛrɛ baŋunii ataGʊGʊ kaŋkulo nɩ ba na lee ʊtʊrcamka na kʊpɛmpɛŋʊ kantǝma.

Rahaman ƖSA ASIS

Laisser un commentaire