Anii kǝbayarɩ bʊwalʊ ʊkolontaja

Bayarɩ bʊɖuú ʊwalʊ nɩ
Bayarɩ bʊɖuú ʊwalʊ nɩ

Gacalaɩ asiibi afɔnɔ aŋɔrɔ 12 kaja ‘ʊshilé 21 kʊja na gɩ ce Saramaŋga, bayarɩ bʊwalʊ. Bʊkɔŋkɔŋɔ tǝb kasáà na bayarɩ ba wa Saramaŋga kagʊyarɩcɩncaŋa nɩ. Ŋkǝlǝ́ nɖee bɛrɛ baŋunii ba wala gaɖusǝka ma, na ba shee Saramaŋga kagʊpayarɩ ʊwǝlǝ. Ʊni aŋkǝm na Bashɩɖɩ kaja a cam ; na ba tɔɔ gǝŋ atɩ waɖa. Babʊlei nɩ ba lǝ ɖaa baa aŋa a lêe naa anii kapá na kagɩkrǝ ɩ cê ŋyɩɩ ma.

Gʊyà Aciibaa anyɩʊtaja agʊjɔɔ a na shee TAASU ma
Gʊyà Aciibaa anyɩʊtaja agʊjɔɔ a na shee TAASU ma

 

 

 

 

 

 

 

Ʊla ɖe na ba kʊn naa ashee ʊŋono Ɖɔktɛɛ TAASƱ SAKARƖ Sulkifilu gɩŋono gɩɖǝn. Gɩni  jɩ gǝŋ waa, atɔɔ n’ʊshilé ɖe a pra ɖaa ʊyarpi ma, ashee bayarɩ baŋunii naa alee arɛ̀ nɖee na pɩ ba naa kâl na bawor gʊfaŋa ŋyɩɩ kʊceu kanɖi laŋ ma.

Ba shee atʊ ganɔ gɩ faŋa koŋkaarɩ nɖee nɩ gɩ ɖa ashee atɩgɩkrǝ kʊŋɔn na kʊtʊr ma. Kʊboŋu nɩ na gɩ ce basukuru ajala nɩ atɩ jɩ ʊjɩʊ naa aye pɩ afal gɩteŋshile laŋ.

Mʊstafa ISIFU SƱMAANƱ

Laisser un commentaire